Abakada Ng Pag-ibig: Hiyas

Sa edad na 30, subsob sa trabaho at kumportable sa malayang buhay-binata si GM o George Marron Milan. Kaya naman ganoon na lang ang pagkabalisa nito nang maatasang ‘mag-babysit’ sa balikbayang family friend – ang 18 taong gulang na si Hiyas. Ayaw na ayaw rin naman ng dalaga na magkaroon ng tagapagbantay. Lalo pa’t isang itinuturing niyang matandang binata. Pero magkakagulatan sina GM at Hiyas. Kailan at paanong sumeksi ang dating tabachingching na batang natatandaan ni GM? At hindi makapaniwala si Hiyas na ang guwapo’t makisig na binatang nakapagpapabilis sa kanyang pulso ay si GM.