Limot Ko Nang Mahal Kita

INALOK si Myra de Luna ni Romeo Andaya ng malaking halaga layuan lang niya ang bunso nitong kapatid, si Alvin. Bagaman nagngingitngit sa labis na pagkainsulto, kinuha ng dalaga ang tseke. Plano niyang gamitin iyon sa pagpapabuti ng buhay nilang mag-ina. Saka niya babalikan si Romeo upang suklian ang panghahamak nito sa kanya. Ngunit bago mabalikan ng dalaga ang binata, dumating ang alok ni Alvin. Bibigyan nito si Myra ng munting kayamanan sa kondisyong iibigin ng dalaga ang Kuya Romeo nito.