Matamis Man Ang Alaala

Ang unang kasalanan ni Lani ay nang mahalin si Doods. Ang pangalawa, nang pikutin ito. Ang pangatlo, nang mamatay ang ama niya dahil sa kahihiyan. Ang pang-apat ay nang matuklasan niyang bugso lamang ng damdamin ang pagkakagusto sa lalaki. Ang huli’t ang pinakamalaki ay nang ibigin niya si Larry, dahil sa mata ng Diyos at ng lipunan ay may asawa siya. At hindi kuwestiyon sa batas kung maligaya siya o hindi.