Someone That I Used To Love

“Hi, Ate Krista. Hinihintay ka ni Manang Lagring, ah,” salubong ni Winnie sa kanya. “Ay, oo! Nakalimutan ko, maaga pala kaming magsisimba ngayon,” aniyang natapik ang noo, “Napasarap ang tulog ko kaya tinanghali ako ng gising.” “Siguro napanaginipan mo ang Prince Charming mo kaya tinanghali ka ng gising,” tudyo nito. Namula ang kanyang mga pisngi. Dahil sa dinami-dami ng lalaking maaari niyang mapanaginipan, si Lorenzo ang napanaginipan niya nang nagdaang gabi. Di-sinasadyang napatingin siya rito. Napalunok siya sa tila nanunuot na mga titig nito sa kanya. Ganoong-ganoon din itong makatingin sa kanyang mga panaginip.