Cinderella: Cinny, The Tamed Shrew

Nginitian siya ni Mama Madel. “Alam mo, kung hindi mapagmahal `yang ama mo, nunca kong patulan. Wala namang datung.” Humagikgik ito. “Kaso, tinamaan ako ng tunay na pag-ibig. Sana, ikaw, `pag umibig, doon sa mayama—” Hindi na nito naituloy ang sinasabi dahil nakarinig sila ng malakas na kalabog sa labas. “Papa!” sigaw niya at sumugod sa labas. Nakahandusay sa semento ang papa niya, tutop ang dibdib. “Federico!” Dinaluhan ito ni Mama Madel.