Endings and Beginnings

Nang unang makatagpo ni Dianne si Brad, malaki na ang problemang dinadala niya. Sa kanya inihabilin ng ate niya ang responsibilidad nito sa anak nito sa pagkakasala. Paano ba niya ipapaliwanag iyon sa kanyang mga magulang? Umalis siyang dalaga sa kanila; ngayon ay babalik siyang may anak na, ngunit walang asawa! Nang sumunod na aksidenteng pagkikita nila ni Brad, hindi na nila naiwasan ang isa’t isa. Tila ipinag—aadyang pagtagpuin sila ng tadhana. Sa pagkakataong iyon ay nahingahan na niya ito ng problema, naging karamay, hanggang sa ito na ang gumanap sa isang napakahalagang papel sa buhay nila ng kanyang pamangkin. Ito na ang nagpakilalang asawa niya at ama ng bata nang hindi siya paniwalaan ng kanyang mga magulang!