Ikaw Pa Rin Ang Mahal

Nakatatak sa isipan ni David ang eksenang iyon nang tahasang sabihin sa kanya ni Natalie Legarda na hindi siya nababagay na mapabilang sa mayamang pamilya nito. Baon ang poot sa dibdib, nagsumikap siya hanggang sa umangat ang buhay niya habang ang mga sa Legarda naman ay bumulusok na paibaba.
Ngayon ay nasa kakayanan na niya ang makaganti at paluhurin ang dati ay mapagmataas na dalaga. Pero bakit tuwing tititigan siya ni Natalie sa mata, pakiramdam niya ay siya pa rin ang nasa ilalim ng kapangyarihan nito?