Kailan Sasabihing Mahal?

Napilitang bumalik si Samantha Gutierrez sa Maynila upang harapin ang problema sa kanilang negosyo. Subalit hindi niya akalaing ang makakaharap niya ay ang dati niyang pag-ibig, si Alex Gomez. At dahil sa tinanggihan niya itong pakasalan noon, ngayo’y muling bumalik si Alex sa buhay niya upang maghiganti. Para maisalba ang naluluging negosyo ng pamilya, kinailangang pakasalan ni Samantha ang dating nobyo. Mapanuya, dominante at sobrang kumpiyansa sa sarili, kinontrol ni Alex ang buhay ni Samantha na parang nagpapatakbo ng kanyang negosyo wala na ang dating pagmamahal na ipinakita sa kanya. At si Samantha ay naipit sa isang hungkag na kasal at sa kumpanyang mahal na mahal niya. Hanggang kailan niya matitiis angmga pasakit at kalupitan ng asawa? Paano niya mabubura sa isipan nito ang maling pagkakakilala sa kanya na siya ay isang taksil? At kailan niya muling maririnig sa lalaki na mahal siya nito katulad ng pagmamahal niya?