Pangakong Walang Hanggan

Kakaiba ang unang pagkikita nina Eric at Lara. Paano ay niyakap at hinalikan agad ni Lara sa mga labi ang hindi pa nakikilalang lalaki para iwasan ang isang masugid na manliligaw.

Nabigla si Eric sa ginawa ni Lara pero dahil sa pagtatagpong iyon ay naramdaman ni Eric na umiibig siya sa dalaga. Kaso lang ay may nobya na siya at nakatakda na ang kanilang pag-iisang-dibdib. Ang hindi alam ni Eric ay umiibig din sa kanya si Lara.

Naging mag-on sila. Relasyon na nalaman ni Connie, ang pakakasalan ni Eric.

Ito ang malaking problema sa buhay nila. Sino ang pakakasalan ni Eric? Ang tunay niyang mahal o ang babaing una niyang pinangakuan ng kasal?