Sana Sinabi Mong Mahal Mo Ako

“Bakit ka naman nanliliit?” tanong sa kanya ng binata. Ngumiti siya rito bago sumagot. “Dahil na-realize ko na kaya kong mag-ulam kahit tuyo basta ikaw ang kapiling ko.”  Napayuko siya. “Huwag mong isipin na kaya ko ito ipinagtapat sa iyo ay dahil may pera ka na at may malaking kabuhayan.  Gusto kong malaman mo na kahit ikaw pa ang pinakamahirap na tao sa mundo, ikaw pa rin ang mamahalin ko,” pagtatapos niya.     “Alam ko naman `yan, eh,” nakatawang sabi ni Jeth. “Eh, di boyfriend mo na ako mula ngayon?” “Oo,” simpleng tugon naman niya. “Hanggang sa tayo ay ikasal.” “Hanggang sa tayo ay ikasal,” ulit niya. Lumapit si Jeth sa kanya at niyakap siya nang mahigpit.  “I love you with all my life,” sabi nito.