Tingnan Mo Naman Ako

SAN LORENZO RUIZ, 1995. HUMIMPIL ang sinasakyang truck ng Pamilya Asuncion sa isang two-storey house, may maliit na gate, na hindi lalampas sa isang tao, at napipinturahan ng berde. Naunang umibis si Aira mula sa nasabing sasakyan. Nagtataglay siya ng aura ng isang modelo dahil sa buhok niyang itim na itim at mahahabang biyas na binagayan ng maamong mukha. Sumunod ang nakababata niyang kapatid na si Elvira, at panghuli ay si Mrs. Lorena Asuncion, ang butihin nilang ina. Magkakasunod ding bumaba ang tatlong lalaki na kasama nila sa paglilipat ng bahay.