May Sukatan Ba Ang Pag-ibig?

Ilang beses nang minamalas sa pag-ibig si Maya. Para bang hindi na siya makakakita ng lalaking para sa kanya. Sa panonood niya ng isang TV show, naapektuhan siya ng topic ng problema. Baby making! Isang pilyang ideya ang pumasok sa isip niya. Ano kaya kung mag-anak na lang siya kahit walang asawa? Problema naman niya ang lalaking hihingan ng anak. Ayaw naman niyang basta na lang dumampot kung saan. Kailangan, gusto rin niya ang lalaking mapipili niya. Nakilala niya si Brix at naakit siya rito. Para sa kanya, hindi man siya type nito, hindi naman siguro ito magdadamot kung hihingan niya ng lahi! Ngunit malihim si Brix. Hindi niya masakyan kung anong uri ng pagkatao meron ito. Nakabilanggo ang binata sa alaala ng babaing dati nitong minahal. Ang masaklap pa, may mabigat itong problema. Nakataya roon ang kahihiyan nito at kakayahan. Ang sukatan ng pagiging isang tunay na lalake. Si Brix pa rin ang katuparan ng hinahanap ni Maya ng pagmamahal?