Sa Pagdating ng Tamang Panahon

Magkasalong kumakain sina Anne at Jake ng isang de-baril na lalaki ang bumungad sa pinto ng Blue Gardenina, ang restaurant na pinamamahalaan ni Anne. Itinaas ng lalaki ang baril at nagsisigaw. “Anne! Lumabas ka! Papatayin kita pag hindi mo binawi ang sumpa sa amin. Dahil sa galit mo ay nasa bingit ng kamatayan ang asawa ko’t anak! Pagbabayaran mo ito!” saka nagpaputok ang lalaki. Nagulo ang buong restaurant. Nagkanya-kanyang takbo ang mga kostumer. Naiwan sina Jake at Anne. “Sino siya?” tanong ni Jake. “Si Alex, ang dati kong nobyo na inagaw sa akin ng bestfriend kong si Emma!” Nakita sila ni Alex. Nakaumang ang baril ay tinakbo nito si Anne. “Mamamatay ka! Pagbabayaran mo ang pagsumpa sa amin!” anito na kita sa mukha ang matinding poot.