Childhood friends sina Ria, Angela, Jojo at Chris. Sila ang laging magkakalaro at magkakasama. Nagkalayo lang sila nang mag-migrate ang pamilya nina Chris sa Amerika at doon nagpundar ng business. Pagkaraan ng ilang taon ay nagbalik si Chris sa Pilipinas to stay for good. Ngayon ay malinaw na rin kay Chris na ang dating closeness niya kay Ria ay hindi lamang basta pakikipagkaibigan kundi dahil mahal niya ito. Ang problema, sa biglang pagyaman ng mga magulang ni Ria ay naiba na rin ang priorities ng mga ito. Ibig ng parents ng dalaga na ang mapangasawa ng anak ay isang super-mayamang lalaki para matiyak ang paglago ng kanilang kabuhayan. Paano ipaglalaban ni Chris ang labis na pag-ibig kay Ria lalo at natuklasan niyang pareho silang nagmamahal sa isa’t isa?

Bigla ang pagkamatay ni Rommel, atake sa puso. Sa poder ng kerida nitong si Vanessa yumao ang lalaki. Ang lalong masakit ay dumating ang tunay na asawa ng namatay... si Charina at kinukuha ang bangkay ng lalaking kapwa nila mahal. “Mahal ko si Rommel. Hindi ako papayag na makuha siya. May anak kami,” sambit ni Vanessa. “Mahal ko rin siya kaya ako nagpaubaya na pakisamahan ka alang-alang sa kanyang kaligayahan. Ngayong patay na siya ay karapatan kong angkinin ang kanyang bangkay bilang tunay niyang asawa,” matigas na wika ni Charina. Saan hahantong ang pag-aagawan sa bangkay ng lalaking kapwa mahal ng dalawang babae?

Sa pag-ibig ay nag-iisa lamang ang langit. Iyan ang paniniwala ni Ibet dahil nabigo siya kay Sonny, ang kanyang unang pag-ibig. Nagpakasal siya kay Rodel para makaganti kay Sonny, na inakala niyang ibinasura siya. Nagbiro ang tadhana. Nang magbalik siya sa Pilipinas mula sa Los Angeles kung saan sila naninirahan ni Rodel ay nagkita sila ni Sonny. Nabuhay sa kanila ang init ng tunay nilang pagmamahalan. Pag-ibig na humantong sa pagkakasala. Nagbunga ang kapusukan. Naglihi si Ibet. At kailangang ilihim niya iyon kay Rodel. Ngayon ay nagdurusa siya, sa takot, sa kung sino ang ipakikilala niyang ama sa isisilang na anak. Isang malaking problema iyon na alam ni Ibet na pagdurusahan niya habambuhay. Dahil alam din niyang walang lihim na hindi nabubunyag...

Nagmahal nang labis si Oliva. Nag-asawa. At nangangarap ng para sa kanilang kinabukasan kaya pumayag siyang mangibang-bansa ang kanyang asawang si Miko. Ngunit si Miko ay pinag-aagawan ng ibang babae at ni KAMATAYAN. Sa katayuan ni Oliva, na malayo sa asawa, paano niya ipaglalaban ang kanyang karapatan? Paano niya tutulungan ang kabiyak?

Ordinaryo lamang ang kuwento ng pag-ibig ni Cindy. Minahal niya si Arvin at minahal din siya. Nagtiwala siya rito nang lubos. Unang pagkakasala ni Arvin, dinala siya nito sa motel. Hindi siya pumayag. Ikalawang pagkakamali: May dating nobya si Arvin, ang tisay na si Trixie at buntis ito. Pagkakasala ni Arvin na walang kapatawaran. Ayaw na niya kay Arvin. Ayaw na rin niyang umibig pa. Wala nang isa pang chance para magkabalikan sila. Pero naaksidente si Arvin. Agaw-buhay. Hinihingi nito ang kanyang patawad. Ano ang ipapasya ni Cindy?

Hindi sinasadyang mahalikan ng isang lalaki si Carmi. Hindi niya malimutan ang halik na iyon. Nawalan tuloy siya ng interes sa iba pang guy. Lumipas ang mga taon. Propesyonal na si Carmi. Kahit ang masugid at matiyagang si Arthur ay hindi niya pansin.

Nagkaroon ng mutual relationship sina Marvel at Roldan mula high school until second year college. Then suddenly ay bigla na lang nawala si Roldan. Nasaktan si Marvel. Muling nagmahal si Marvel after three years. The guy is Ode. In her heart, alam niyang si Ode ang gusto niyang makasama until she grows old. Naging mag-on sila. Pero natuklasan niya ang masakit na katotohanan. May asawa’t mga anak na pala si Ode. Dalawang kabiguan ang naranasan kaya ayaw na niyang magmahal maliban na lamang kung makatagpo siya ng lalaking gagawin ang lahat, sa ngalan ng pag-ibig, para mapaligaya siya. Pero may ganito pa bang lalaki? Hindi sigurado si Marvel. Handa na siyang maging old maid.

Mahal na mahal ni Jimbo si Meryll, anak ng mag-asawang milyonaryo. Kaya niyaya na niya itong sumama sa kaya. Handa na si Meryll na talikuran ang lahat para kay Jimbo. Isang Linggo bago sila tumakas ay nakilala ni Jimbo si Rica. Dahil dito’y tinalikuran niya si Meryll. Hindi basta patatalo si Meryll lalo’t mayaman siya. Gagantihan niya ang dalawang sumugat sa kanyang puso at kaluluwa.

Inabandona ni Edgar ang kanyang mag-iina. Nagsikap si Angela na punan ang tungkuling ina at ama sa dalawang anak. Pero dumating ang panahong kailangan niya ang init ng pag-ibig. Noon dumating sa kanya si Jim. Nangako ng bagong ligaya. Para muli siyang biguin nang pakasal ito sa iba. Kasabay noon ay nagbalik si Edgar. May kapansanan pero nagsisisi. Tanggapin pa kaya siya ni Angela?

 Sa pag-ibig ay isinilang ang lahat ng pantay-pantay. Lahat ay may karapatang magmahal at mahalin maliban kung ang mamahalin ay hindi na malaya. Ito’y kasalanan sa langit at sa batas ng tao. Ganyan ang nangyari kay Madel. Umibig siya nang mataos kay Ed na kasal na kay Lizbeth. Hindi siya papayag na mawala sa kanya ang lalaki kahit ano ang mangyari. Tunghayan ang pakikipaglaban ni Madel para sa kanyang pag-ibig.