Dear Charo,

Isa ako sa masusugid mong tagahanga. Nagsimula akong sumubaybay sa malaganap mong TV program nang minsang mapanood ko ang isang episode na umantig sa aking puso. Sa dinanas ng paghihirap ng main character ay hindi siya nawalan ng pag-asa. Nakipaglaban siya sa buhay. Pagkatapos kong mapanood iyon ay gumaan ang aking pakiramdam. Nakita kong hindi pala dapat basta mawalan ng pag-asa ang isang tao habang may buhay. May solusyong katapat ang bawat suliranin. Mula noon ay na-hook na ako nang husto sa “Maalaala Mo Kaya.”.....

Nagdusa nang labis si Mari nang iwan siya’t sukat ng asawang si Roman nang walang paalam. Sa patuloy na pag-agos ng buhay ay nakilala niya si Efren na nangangako ng bagong kaligayahan para sa kanya at sa anak na si Dennis.

Handa na siyang taluntunin ang bagong langit, nang magbalik si Roman. Ang tunay na asawa at ama ng kaisa-isang anak.

Namatay sa car accident ang kambal na anak ni Amy pati na ang kapatid nitong si Neri. Dahil shock ay hindi na nakapagsalita at nakakilos nang maayos si Amy. Hindi na rin niya nabigyan ng kaligayahan ang asawang si Kit. Dahil lalaki, naghanap ng kaligayahan sa ibang kandungan si Kit. Minalas na masakim si Emily. Binaril nito si Kit. Sa harap ni Amy, nakatakda pang mawala ang asawa. Matuluyan kayang mabaliw na si Amy?

So much in love sina Jen at Elmer sa isa’t isa. Kaya itinakda nila ang kasal kahit hindi pa talaga nila balak mag-asawa. Masaya si Lea, ang bunsong kapatid ni Jen para sa kanya. Sa araw ng kasal ay isang trahedya ang naganap.Isang babae ang tumutol sa kasalang Jen at Elmer dahil ito diumano ang may karapatan sa lalaki. Nagkagulo. Hinimatay si Jen at isinugod sa ospital. Labis na nanghina ang dalaga. Nagkasakit. Nang gumaling ay nag-iba siya. Naging masungit at man-hater. Sa hindi inaasahang pagkakataon, nagkita si Elmer at si Jen. Iniskandalo niya ang lalaki saka patakbong iniwan.

Ito ay kuwento ng best friends na sina Atleta at Dominique. Super-yaman si Dominique. Pobre naman si Aleta. Ang one thing in common nila ay kapwa sila hindi pa nakakaranas ma-in love. Isang lalaki ang dumating sa buhay ng magkaibigan na kapwa nila minahal nang labis – si Jake. Mahal ni Jake si Dominique bilang kaibigan, ang mahal ng kanyang puso ay si Aleta. Nang malaman ito ni Dominique, nakiusap siya kay Aleta na ipaubaya na sa kanya si Jake. Paano tatanggi si Aleta? Minsan nang iniligtas ni Dominique ang kanyang buhay.

Mapagbirong talaga ang pag-ibig. Gaya ng nadama ni Isay. Pinakaiibig din niya si Wally na tanging lalaki para sa pinsan niyang si Lee. Pero hindi niya magagawang agawin ang binata sa pinsan dahil higit pa sa tunay na magkapatid ang kanilang turingan. Saka nalaman ni Isay na may kanser sa utak si Lee. Hindi niya makapa ang tunay niyang damdamin. Matutuwa ba siya dahil sa pagkamatay ni Lee ay malaya na niyang maaangkin ang pag-ibig ni Wally o malulungkot dahil mawawala na sa kanya ang pinakamamahal na pinsan?

Magkababata sina Gary at Krissy. Magkasundung-magkasundo sila. Laging magkasama. Hindi nagkakagalit. Kaya marami ang naniniwalang “sila” na pagdating ng panahon. Pero nagbiro ang pagkakataon. Nag-abroad si Krissy. Pagbalik niya galing USA ay mag-on na sina Gary at ang nakababatang kapatid ni Krissy, si Edna. At planado na ang kasal. Lumayo si Krissy para makalimot. At sa malayong bayan ay muli siyang nagmahal. Kay Noel. Akala niya ay liligaya rin siya. Kaya lang, paano mangyayari iyon, may asawa’t dalawang anak si Noel. Ikalawang sakit.

Kakaiba ang unang pagkikita nina Eric at Lara. Paano ay niyakap at hinalikan agad ni Lara sa mga labi ang hindi pa nakikilalang lalaki para iwasan ang isang masugid na manliligaw.

Nabigla si Eric sa ginawa ni Lara pero dahil sa pagtatagpong iyon ay naramdaman ni Eric na umiibig siya sa dalaga. Kaso lang ay may nobya na siya at nakatakda na ang kanilang pag-iisang-dibdib. Ang hindi alam ni Eric ay umiibig din sa kanya si Lara.

Naging mag-on sila. Relasyon na nalaman ni Connie, ang pakakasalan ni Eric.