Can't Help Falling In Love

Suwail at spoiled brat si Gail. Palibhasa ay nag-iisang anak, sunod ang lahat ng layaw niya sa ama. Kaya naman gusto nang sumuko ni Stephen na inatasan ni Don Alfonso na mag train sa kanya sa pagpapalakad ng kanilang kompanya. Hindi niya alam, ang ama ay suko na sa kanya kaya sa tulong ng binata, lihim nitong ipinahanap ang anak nito sa labas na si Josephine.

Ngayong nasa eksena na ang babae, alam ni Gail na dapat na siyang mag seryoso lalo’t mukhang desidido ang hilaw niyang kapatid na kunin ang amor ng kanyang ama, pati na ang buo niyang mana. Pero ang higit niyang ipinagngingitngit ay ang pagpapakita nito ng motibo kay Stephen. At ang walang hiyang lalaki, mukha namang kumakagat…