A Destiny Named Benedict

Ni sa kamag-anak, kaopisina, o sa village na tinitirhan niya ay wala rin. Hindi Benedict ang pangalan ng lalaking nagde-deliver ng diyaryo sa bahay nila tuwing umaga, sigurado siya. Lalong hindi rin Benedict ang pangalan ng bantay sa bakery na madalas niyang bilhan ng pan de sal sa umaga. Hindi rin Benedict ang pangalan ng pari sa parish church nila. At wala rin siyang kilalang artista o singer na ganoon ang pangalan. Saan kaya nanggaling ang pangalang iyon? May naging alaga siyang pusa noon pero sigurado siyang hindi Benedict ang ipinangalan niya roon.