Her Captivated Heart

Pinagtagpo ang kanilang mga landas sa kakatwang sitwasyon. Natuklasan ni Debbie Erika Salvacion na pinagtataksilan din si Kaloy ng nobya nito. Sa kapareho nilang sitwasyon, naging constant companion nila ang isa’t isa. Ang tipo ni Kaloy Moratta ang mahirap balewalain ang presensiya. Kahit na sinong babae ay mahuhulog ang loob dito. Kaya nagtataka si Debbie kung bakit nagawa pa itong pagtaksilan ng babaeng mahal. Ito na ang tipo ng lalaking pinapangarap ng kahit na sinong babae. Hindi naman itinatanggi ni Debbie na nag-e-enjoy siyang kasama ang binata. Unti-unti, nagiging bihag na nito ang kanyang puso. Sa  binata rin siya nakakuha ng lakas-loob nang makipaghiwalay sa kanyang nobyo! Ngayong hindi na siya committed, magkakapuwang kaya siya sa puso ni Kaloy, sabihin mang galing silang pareho sa isang failed relationship.