Hindi Ko Kayang Wala Ka

Gaya ng mga tiyahin, pinagdududahan ni Edric ang claim ni Anne na asawa ito ng kanyang yumaong ama. Natural na iisiping ang naiwang kayamanan lang ng matanda ang habol nito. Pero tuwing tititigan niya ang maamong mukha ng babae, nahihirapan siyang isipin na isa itong mangggangantso. Kaya pinaimbestigahan niya si Anne… pero kung ang mga tiyahin niya ay nais patunayang manloloko ito, siya ay gustong makatiyak kung may pag-asa ang pag-ibig na nadarama niya para dito.