I Need You Back

“I never got over you, Pie,” amin ni Aaron.

Natigilan si Pie sa sinabi ng lalaki. Gusto niyang  sabihing pareho lang sila ng nararamdaman pero pinigilan niya ang sarili. Tama na ang minsang sinaktan siya nito..

“Please, Cherry Pie, help me. Wala na ’kong  malalapitan pang iba. At kahit ano ang hilingin mo, ibibigay ko.”

Hindi siya nakaimik. Wala pa ring nagbago sa lalaking ito, naisip niya. Hindi ito titigil hangga’t hindi nakukuha ang gusto. Tulad pa rin ito ng dati at tulad din niyang umiibig pa rin dito.

“At para matulungan kita ay kailangan kong tumira sa bahay mo?” tanong niya. “Sige, payag ako.” Maging siya ay nagulat sa sarili niyang sagot.