Kung Ako'y Wala Na... Magmahal Kang Muli

Maagang naiwan ni Anna ang asawang si Dave at dalawang anak dahil sa sakit na leukemia. Ngunit bago ito namatay ay napapayag nito ang half-sister na si Fiona na siyang gumanap sa tungkuling maiiwan nito sa asawa’t mga anak. Sumang-ayon din si Dave sa gusto ni Anna para lang matahimik na ito. Pangako sa yumao, isang tradisyong dapat tuparin ni Fiona, kaya isasakripisyo niya ang kanyang pag-ibig kay Kier. Papayag naman kaya si Kier, na sa pangalawang pagkakataon ay muling mabibigo. Una itong umibig kay Anna ngunit si Dave ang ginusto ng babae. Ngayon naman ay si Fiona ang nakatakdang mawala sa kanya at mapupunta uli sa lalaking umagaw sa una niyang pag-ibig.