Magbalik Ka Sa Akin

Nagulat si Patty nang lumabas siya sa cubicle at nakita niya si Gerard na nakatayo sa kanyang harapan. “Ano’ng ginagawa mo rito?” “I just want to talk to you,” mahinahong sabi ng binata. “Wala na tayong dapat pag-usapan,” mariing tanggi niya na sinubukang lumabas ng pinto ngunit hinila siya nito at isinandal sa pader. “Bakit umiiwas ka?” “Ano bang umiiwas ang sinasabi mo?!” “Mahal mo ba talaga si Ryan o ginagamit mo lang siya para saktan ako?” “Mahal ko siya at siya lang ang minahal ko at mamahalin ko habang-buhay.” “Talaga?” balik nito at siniil ng halik ang labi niya. Kahit pa sinasabi ng kanyang utak na kumawala rito at lumabas ng rest room ay hindi niya napigilan ang sarili na sagutin ang mga halik nito. Naramdaman niyang muli ang panghihina na kanyang nararanasan sa tuwing hahalikan siya nito. Hindi niya tuloy maiwasang isipin kung bakit hindi niya nararamdaman iyon kay Ryan.