Magpakatotoo Ka, Sweetheart

MALAPIT nang sagutin si Francis ni Teri. Sabi nga nito, gusto lang daw niyang matiyak kung honest ang binata sa feelings nito sa kanya. Naisama ni Francis sa boarding house niya si Teri. Saka naman umeksena si Demi - ang dalagang pamangkin ng landlady niya at numero unong kontrabida sa buhay niya. Hinalikan siya nito. At tinawag na sweetheart sa pagkakabigla ni Teri. Paaano niya maipapaliwanag kay Teri na ginu-goodtime lamang siya ng dalagang aminadong may crush sa kanya? Makikiusap ba siya kay Demi na sabihin kay Teri na joke lang ang ginawa nitong paghalik sa kanya? At hindi ganoon kadaling pakiusapan si Demi kahit pa dahil sa sobrang inis niya sa dalagang cute (maldita nga lang!) ay mahiling niyang sana’y kunin na lang ito ni Lord!