Mamahalin Pa Rin Kita

Nakatatak sa puso ni Nestor Madrigal ang paghihiganti – buhay sa buhay, dangal sa dangal. At ngayong nasa kamay na niya si Maria Cristina, ang unica hija ni Kapitan Monteza, matutupad na ang pangakong binitawan sa puntod ng kanyang mga mahal sa buhay. Ngunit punuin man niya ng pagkasuklam at pait ang kanyang dibdib, hindi niya magawang parusahan ang dalaga sa mga kasalanang hindi naman sa kanya. Sa pagkakatitig sa maganda nitong mukha na basa ng luha, may naantig sa puso niya. At bigla, nais na niya itong ikulong sa kanyang bisig at halikan, hindi bilang parusa kundi para palisin ang takot nito…