More Than You'll Ever Know

Pitong taong gulang na ang anak ni Catherine. Halos pitong taon na rin siyang kasal kay Samuel Arboleda. Pero sa loob ng panahong iyon ay hindi sila nagsama bilang mag-asawa. Ngayon, hinihingi ng pagkakataong tumira sila sa iisang bubong para sa kapakanan ng batang nagsisimula nang maghanap ng ama.
Unti-unti ay nabuhay sa kanilang mga dibdib ang pag-ibig na nadama nila sa kanilang unang pagkikita na natabunan lamang ng pait ng mga nasirang pangako ng nakaraan. At nang sa wakas ay isatinig ni Samuel ang pagmamahal nito sa kanya, dapat sana ay maglulundag sa tuwa si Catherine. Ngunit may lihim pa siyang hindi sinasabi sa asawa… Hindi siya ang tunay na ina ng anak nito.