My Love, My Hero - Jared

PAYAPANG pinagmasdan ni Arturo ang kaisa-isang anak na noo’y tahimik na nakatanaw sa dagat. Hapon na at bahagyang malakas ang mga alon na sumasalpok sa batuhan. At hindi iilang mga turista at dayuhan ang naglulunoy sa asul na tubig. “Hindi ko maintindihan kung bakit kailangang umuwi pa tayo rito, Papa, gayong kadarating mo lang buhat sa Maynila.” Bumaling paharap si Aila at pinagmasdan ang amang nasa rocking chair. Nagpakawala ito ng isang pilit na ngiti. “Matagal na tayong hindi nagagawi sa bahaging ito, hija. Mula pa nang mamatay ang...”