My Lovely Bride: Joanna & Nick

MULA sa veranda ay niyuko ni Joanna ang hardin sa ibaba. Lumanghap siya ng sariwang hangin at ipinikit ang mga mata. Marahil ay mag-aalas-sais na ng hapon. Bahagya nang madilim ang paligid at kakaiba na ang simoy ng hangin. May tatlong oras din siyang nakatulog, kung gayon. Linggo ngayon at araw ng pahinga kaya sinamantala niya na dahil mag-uumaga na rin nang makauwi siya mula sa pagtitipong dinaluhan kagabi.