My Lovely Bride: Patrice & Benjo

Magaling kumanta si Benjo, magaling ding mag-compose ng kanta, na labis na ikinakikilig ni Patrice. Kaya lang, nerd ang binatilyo! Guwapong nerd! Hindi niya inalintana ang sasabihin ng schoolmates niya sa pagkonsidera niya sa sariling girlfriend siya nito. Until “itatwa” siya sa mismong graduation day nila – at nasampal niya ito sa harap ng buong school. Umusad ang apat na taon na hindi man lang niya napagtanto kung bakit ganoon ang nangyari sa high school romance nila. At handa na niyang ibaon sa limot ang lahat – pero isang umaga, bigla na lang niyang narinig sa telepono ang baritonong boses-binata nito, iniimbitahan siyang mag-dinner... Nang mga sandaling yaon, bakit tila naulinigan niya ang alingawngaw... wedding bells?