Remember Me This Way

Pagkasuklam at matinding galit ang inaasahan ni Melissa na makita sa mga mata ni Toby sa muli nilang pagkikita. Kaya nagtaka siya at nakuha pa nitong ngumiti sa kanya. Lumaki ang palaisipan nang itanong ng lalaki kung sino siya. Halos walang nagbago sa pisikal na anyo nito na taglay pa rin ang katangian ng lalaking tangi niyang minahal, ang ama ng kanyang anak. Kung anuman ang dahilan ng pagkalimot ng lalaki sa kanya, ipinagpapasalamat niya iyon. Dahil ibig sabihin, limot na rin nito ang pait na idinulot ng kanyang pagpapakasal sa iba, anim na taon na ang nakalipas, sa mismong araw ng kanilang kasal…