Sugatan Man Ang Puso

Nang humarap ang lalaki kay Eve at ipinako siya sa titig nito, mabilis siyang inanod ng mga alaala ng pinagsamahan nila ni Miguel, ang sumpaan nilang hindi maghihiwalay at ang huli nilang gabi nang pagmasdan niya ang natutulog nitong anyo bago siya tuluyang lumisan. Ngayon, habang nakatitig sa impassive nitong mukha, nakadama siya ng biglang kaba—naririto ba ang lalaki para maningil? Nang gabing iyon, matagal siyang napatitig sa pikit na mga mata ng kanyang anak. Mga matang bintana sa kanyang kahapon. Mga matang namana nit okay Miguel Penareal…