Tanda Ng Pag-ibig

MASUSING pinag-aaralan ni Milet ang kabuuan ng kanyang pinsang si Sarah. “‘Insan, hindi naman sa tinatakot kita. Ang kaso nga lang sa ayos mong ‘yan, ni wala man lang mag-iisip na manligaw sa ‘yo. Sige, ikaw rin, baka matuluyan ka nang maging old maid niyan.” Old maid. Iyon ang palaging bukambibig ni Milet na ubod ng galing pumorma at kabi-kabila kung mag-boyfriend. Tingin nito sa kanya ay kulang na lang na magsaya at papasa nang maging lola.