Yesterday And Forever

"Yssa, bakit ba hanggang ngayon ay napakatigas pa rin ng puso mo pagdating sa akin?" tanong ni Rico, sabay hawak sa kanyang braso.

"B-bitiwan mo nga ako," nauutal na sabi ni Yssa. Ngunit sa halip na pakawalan siya ay lalo nitong hinigpitan ang pagkakahawak sa kanya. Parang nawalan siya ng lakas. Napapikit siya nang makitang pababa ang mga labi ni Rico patungo sa mga labi niya. Kusang bumuka ang kanyang mga labi upang tugunin ang init ng halik nito.

Gusto niyang sabihin nito na siya ang mahal nito. Na siya ang gusto nitong pakasalan. Iyon lamang at maligaya na siya. Pero alam niyang kahibangan ang asahan ang mga bagay na iyon sa lalaking nakatakda nang ikasal sa iba...