Mahusay na guro si Cynthia. Para sa kanya, ang pagtuturo ay isang commitment na hindi tinatalikuran. Pero kabiguan para sa kanya ang makulit na estudyanteng si Julius. Sabi nga niya, tutuyuin nito ang dugo niya! Nang sumagad na ang pagtitimpi niya sa bata, ipinasya niyang i-expel ito. Noon niya nakaharap ang tiyuhin nito. Si Mike, na ayon sa mga dating guro ay isang intellectual bandit noong estudyante pa roon. Magaspang ang kanilang naging pag-uusap. Mainit agad ang dugo nila sa isa’t isa. Para kay Cynthia, kahit matalino si Mike at guwapo... pareho lang ito ni Julius na salbahe. Naiisip naman ni Mike... sa hinaba-haba ng panahon, may nabago rin pala sa Isla Berde... mayroon nang titser na maganda at sexy!
Jun 7 2011 - 21:08
Si Nancy, anak-mayamang umibig at nagkaanak sa isang lalaking may-asawa... Si Jona, katulong na umibig sa anak ng milyonarya. Si Darwin, tinalikuran ang kayamanan at sumama kay Jona... Si Elena, ibinigay ng walang pasubali ang dangal dahil sa pag-ibig. Ang kapalit ng kanilang tapat na pag-ibig ay luha at ang kanilang kasaysayan ay isang pagbubukas ng mata at puso sa mga nagmamahal... Basahin at tiyak na titibok na muli ang inyong puso!
Jun 3 2011 - 01:18
“WILLA, apo! Ano ang nangyari sa iyo?” bulalas ng sisenta-anyos na babae pagkakita sa pitong-taong gulang na apo. Panay ang hikbi ng bata. Maitim ang kanang pisngi. Parang napahiran ng uling. “Lola—” Lumakas na ang iyak ng batang si Willa dahil alam niyang may kakampi na siya. Mahigpit siyang yumakap sa binti ng matanda. Lumuhod ang kanyang lola at hinagod ang mahaba at kulot niyang buhok. “Tahan na, apo. Ano ba ang nangyari sa party?” Kinuskos pa ng lola ang pisngi niyang may uling.
Jun 1 2011 - 22:59
Maraming misteryo sa buhay. Isa na roon ang puwersa ng pag-ibig. Sino nga ba ang makapagsasabi kung bakit napapamahal sa atin ang isang tao? ‘Di nga ba‘t ang mahalaga, mahal mo siya at ika‘y mahal din niya? Pero paano kung may lihim na itinatago ang taong iniibig mo? Hahayaan mo pa ba ang sarili mong mahulog nang lubos ang kalooban sa kanya? Iyan ang mga katanungang magpapagulo sa isipan ng ating bidang si Eliza. Subaybayan natin ang pakikipagsapalaran niya sa larangan ng pag-ibig at sana’y masiyahan kayo sa kanyang kuwento. Muli, ang paulit-ulit at taos-puso kong pasasalamat sa inyong pagtangkilik. LAURICE DEL RIO
Jun 1 2011 - 05:48
May edad na si Olivia nang umibig sa isang lalaking bata ng sampung taon sa kanya, si Aljon. Ayaw ng lalaki ng commitment sa kanilang relasyon. Hindi daw tamang magpatali sila sa isa’t isa. Nang malamang may nobyo na si Olivia, at saka naman naging desidido sa pagligaw si Dindo, dati nang umiibig sa dalaga. Sino kaya ang pipiliin ni Olivia sa kanila?
May 30 2011 - 04:10
Naniniwala si Camille na espesyal sa kanya si Gerardo. Magkasama sila noon sa Baguio noong mga musmos pa sila, pinagsasaluhan ang isang awiting: “ONE SUMMERTIME.” Ngunit nagkahiwalay sila ng landas. At sa nakalipas na sampung taon, tuwing babalik siya sa Baguio ay kasama niya ang awitin nila ni Gerardo. Hanggang sa magsanga ang landas nila ng band singer na si Jedd Gonzales, isang lalaking sobra ang lakas ng dating sa kanyang isip at puso. Upang matuklasan na si Jedd at si Gerardo ay iisa. At minsan pa, nagsalo sila sa isang summertime. Sa panahong nakatakda na siyang ikasal sa kasintahan niyang si Steve...
May 25 2011 - 21:34
Namatay sa car accident ang kambal na anak ni Amy pati na ang kapatid nitong si Neri. Dahil shock ay hindi na nakapagsalita at nakakilos nang maayos si Amy. Hindi na rin niya nabigyan ng kaligayahan ang asawang si Kit. Dahil lalaki, naghanap ng kaligayahan sa ibang kandungan si Kit. Minalas na masakim si Emily. Binaril nito si Kit. Sa harap ni Amy, nakatakda pang mawala ang asawa. Matuluyan kayang mabaliw na si Amy?
May 24 2011 - 01:39
NAGMAMADALING isinilid ni Alyssa ang mga gamit sa loob ng drawer. Nang matapos ay tinawag niya ang isa sa dalawa niyang assistant researchers. “Lianne, paki-print nito bago ka umalis, ha? Have it ready on Pierce’s desk on Monday para ma-review niya bago siya sumabak sa korte sa Martes.” “Tuloy ka na talaga bukas, Ma’am?” Tinanggap nito ang floppy disk na iniaabot niya. Tumango siya. “Oo, eh. Kaya nga nagmamadali ako. Masyado akong naging busy sa interviews at research, hindi ko na nabigyan ng panahon ang pag-eempake.”
May 21 2011 - 00:43
Maganda ang simula ng pag-iibigan nina Vergel at Mia. Makulay ang kanilang relasyon. Smooth-sailing wika nga. Wala silang pinagkakagalitang anuman. Walang pinag-aawayan. Ngunit isang araw, bigla na lang kinakitaan ng panlalamg sa nobyo si Mia. At nang usisain ni Vergel, umamin si Mia na may iba na siyang mahal. Ewan kung dahil sa natanim na poot kay Mia, nang may mangyaring krimen sa pamilya ng dalaga, siya ang agad na inakusahang suspect ni Vergel. Saan tutungo ang pag-ibig na lihim pa rin nilang nadarama sa isa’t isa?
May 20 2011 - 01:31
Isang puso. Dalawang pag-ibig. Ni sa panaginip ay hindi inakala ni Lira na mangyayari sa kanya ito. Ngunit sadya yatang mapagbiro ang kapalaran. Kasintahan na niya ang kababatang si Aldrin nang makilala ng dalaga sa isang hindi inaasahang pangyayari ang milyonaryong si Neil Falcon. Akala niya ay matatag ang pag-ibig niya kay Aldrin ngunit hindi niya napaglabanan ang fatal attraction ng mayamang binata. Umibig siya kay Neil ngunit wala siyang makitang dahilan para kumalas sa matapat at mabait na si Aldrin. At iniibig pa rin niya ito. Sinubok ng tadhana ang pag-ibig ni Lira nang halos magkasabay na mabingit sa kamatayan ang dalawang lalaking kapwa mahal sa kanya.
