Paano Magtitiwala Ang Puso?

Mga bata pa sila, bukas na sa kaalaman ni Dishella ang masidhing pangarap ng kasintahang si Dexter na makapagtrabaho sa Amerika. Dumating ang pagkakataong iyon nang mag-alok ng tulong ang tiyahin ni Dexter, na isa nang American citizen at nakabase na ang buong pamilya sa California.

            Ngunit ang pinakamadaling paraan upang legal na makapunta si Dexter sa Amerika ay ang magpakasal ito sa ampon ng tiyahin na si Janette. Si Janette na mga bata pa sila’y kinakitaan na ni Dishella ng malaking pagkakagusto kay Dexter.

            Paano siya magtitiwala na hindi maaagaw ni Janette ang pagtingin ni Dexter kung magsasama ang dalawa sa iisang bubong sa Amerika bilang huwad na mag-asawa?