Sa unang kita pa lang ni Bette kay Jake ay may kakaiba na siyang naramdaman para sa misteryosong binata. Pero nalaman niyang alipin pa rin si Jake ng pag-ibig at alaala ng namatay nitong nobya. Hanggang kailan masisikil ni Bette ang lihim niyang pag-ibig kay Jake? At si Jake, paano ito makakalaya sa bilanggong puso nito kay Alona?

            Siya si Georgia Escobar. Pero para kay Viktor Zaldivar, siya si Gina, ang babaing minahal at hinanap nito sa loob ng limang taon. Pero nang magkita silang muli, may anak na si Georgia at hindi niya matandaan si Viktor. Paanong haharapin at tatanggapin ni Viktor ang sitwasyong iyon? At si Georgia, siya nga ba talaga si Gina?

 Si Vergel ang unang lalaking inibig ni Chona Domingo. Ito rin ang kanyang unang kasawian.

            Sinikap ni Romel  na tulungan siyang malimutan si Vergel. Nahuhulog na ang loob ni Chona sa binata nang muli silang magkita ni Vergel.

            Sino ang mas pipiliin ni Chona? Si Romel  na nag-aalok ng bagong pag-ibig o si Vergel na matagal nang nakaukit sa kanyang puso.