Childhood friends sina Ria, Angela, Jojo at Chris. Sila ang laging magkakalaro at magkakasama. Nagkalayo lang sila nang mag-migrate ang pamilya nina Chris sa Amerika at doon nagpundar ng business. Pagkaraan ng ilang taon ay nagbalik si Chris sa Pilipinas to stay for good. Ngayon ay malinaw na rin kay Chris na ang dating closeness niya kay Ria ay hindi lamang basta pakikipagkaibigan kundi dahil mahal niya ito. Ang problema, sa biglang pagyaman ng mga magulang ni Ria ay naiba na rin ang priorities ng mga ito. Ibig ng parents ng dalaga na ang mapangasawa ng anak ay isang super-mayamang lalaki para matiyak ang paglago ng kanilang kabuhayan. Paano ipaglalaban ni Chris ang labis na pag-ibig kay Ria lalo at natuklasan niyang pareho silang nagmamahal sa isa’t isa?

Si Melanie…si Nico… nagmamahalan nang labis. Nangakong susuungin at lalabanan ang lahat ng hadlang sa ikapagtatagumpay ng kanilang pag-ibig. Dumating ang pagsubok. Naaksidente si Melanie. Ang tanging makapagliligtas sa kanya ay ang pagtalikod ng nobyo. Ang tanong: Paano pa mabubuhay si Melanie kung wala sa piling ang lalaking siyang buhay niya?

Bigla ang pagkamatay ni Rommel, atake sa puso. Sa poder ng kerida nitong si Vanessa yumao ang lalaki. Ang lalong masakit ay dumating ang tunay na asawa ng namatay... si Charina at kinukuha ang bangkay ng lalaking kapwa nila mahal. “Mahal ko si Rommel. Hindi ako papayag na makuha siya. May anak kami,” sambit ni Vanessa. “Mahal ko rin siya kaya ako nagpaubaya na pakisamahan ka alang-alang sa kanyang kaligayahan. Ngayong patay na siya ay karapatan kong angkinin ang kanyang bangkay bilang tunay niyang asawa,” matigas na wika ni Charina. Saan hahantong ang pag-aagawan sa bangkay ng lalaking kapwa mahal ng dalawang babae?

Jessica is not ready to fall in love again. Maging simpleng pakikipagkaibigan sa lalaki ay pinangangambahan niya, especially to someone like Armand. Armand wants to live his life as normal as possible despite the trials that he had been through. Ngunit hindi ang ma-involve at magkaroon ng commitment sa isang babae... How can they suppress the feeling when it’s not just simple attraction but true love? At paano kung sinasabayan rin iyon ng mga balakid, maghahari pa kaya ang pag-ibig?

Sa pag-ibig ay nag-iisa lamang ang langit. Iyan ang paniniwala ni Ibet dahil nabigo siya kay Sonny, ang kanyang unang pag-ibig. Nagpakasal siya kay Rodel para makaganti kay Sonny, na inakala niyang ibinasura siya. Nagbiro ang tadhana. Nang magbalik siya sa Pilipinas mula sa Los Angeles kung saan sila naninirahan ni Rodel ay nagkita sila ni Sonny. Nabuhay sa kanila ang init ng tunay nilang pagmamahalan. Pag-ibig na humantong sa pagkakasala. Nagbunga ang kapusukan. Naglihi si Ibet. At kailangang ilihim niya iyon kay Rodel. Ngayon ay nagdurusa siya, sa takot, sa kung sino ang ipakikilala niyang ama sa isisilang na anak. Isang malaking problema iyon na alam ni Ibet na pagdurusahan niya habambuhay. Dahil alam din niyang walang lihim na hindi nabubunyag...

“Gusto mong malaman ang katotohanan, kapatid ko?” “Dapat lang! Magkapatid tayo, bakit mo sasarilinin ang mga bagay na nagpapasama ng loob mo. Maging matapat ka kahit man lang sa sarili mo!” “Okey, nagkarelasyon ako sa namatay mong asawa. At sa lalaking pakakasalan mo ngayon, matagal kaming lihim na nagsama. Ano, masaya ka na? Ha?” Dalawang puso, magkaiba ang kanilang awit dahil sa pag-ibig ngunit minsan pang pinatunayang mas matimbang ang dugo kaysa tubig...

ISA siyang hamak na mamimitas ng kape na umibig sa kanyang Senyorito Luis. Ipinagkaloob niya nang buung-buo ang sarili sa lalaki nang walang tanung-tanong. Ngunit tinakot si Luis ng matapobreng ina. Itatakwil. Aalisan ng mana. At naduwag si Luis. Tinalikuran siya ni Luis. Patuloy pa rin ba siyang aasa? Mangangarap na isang araw ay magkakaroon ng katuparan ang kanilang pag-ibig?

Kinailangang talikuran ni Marilou ang pag-iibigan nila ni John upang iligtas ang pamilya ng lalake sa malaking eskandalong bunga ng pagkaka-rape sa kanya ng kapatid nitong si Jordan. Sumama siya kay Dindo, isang masugid na manliligaw upang iligtas ang sariling kahihiyan. Paano kung malaman ng lalaki ng ginamit lang niya ito? At paano kung matuklasan ni John ang lahat?

Nawalan ng trabaho si Dindo dahil sa tinamong aksidente. Ibayong hirap at pagdusta ang naranasan niya sa biyenan, kung saan doon sila nakatira kasama ang asawang si Lorna at ang kambal na anak. Sa sama ng loob ay lumayas ito at nakituloy sa tirahan ng kaibigang dancer na si Didi para patunayan sa asawa na kaya niyang buhayin ito. Sa nangyari, sino ang maniniwalang wala silang relasyon ng dancer gayong natutulog silang magkasama sa iisang silid? Paano niya bubuhayin ang asawa at ang kambal na anak?