LATEST UPLOADS

Selebrasyon iyon ng ikalabingwalong kaarawan ng kaisa-isang anak na babae ni Don Augusto Hoseña, isang kilalang hacendero sa lalawigan ng Negros Occidental. Mula sa Maynila ay nagtungo sila ni Jules doon para makiisa sa naturang okasyon. Wala siyang kaide-ideya na ganoon kayaman ang pamilya nina Gretchen, na ayon sa pinsan niya ay kasintahan nito. Hindi tuloy niya maiwasang maasiwa. Pakiramdam niya ay hindi siya nababagay sa lugar na iyon.

 Lumuwas ng Maynila si Maricel para sundin ang pakiusap ng kapatid niya. But she never thought it would become worse of all worst. Naaksidente siya.  At nagising na lang siya sa isang ospital, sa harap ng isang estrangherong lalaking malamig pa sa yelo ang tinging ipinupukol sa kanya. His words were roughly too disgusting, para mapagtanto niya na napagkamalan siya nitong ang kakambal niyang si Marinel. Paano niya ngayon itutuwid ang maling paniniwala ng lalaki kung ayaw nitong paniwalaan ang bawat sinasabi niya? Paano niya haharapin ang tila abot-hanggang langit na galit nito sa kanya sa pag-aakalang siya si Marinel?

You were right under my nose all along. Iyon ang sabi ni Arion kay Randi. Ilan kaya sa mga naghahanap ng mamahalin ang tingin nang tingin kung saan-saan gayong ang nakatadhana pala sa kanila ay nasa tabi-tabi lang? Kaya sa mga hindi pa nakakatagpo ng kanilang better-half, talasan lang ang paningin at ang pakiramdam. Baka naman ang hinahanap ninyo ay nariyan lang sa harap ninyo.

Ang tunay na pag-ibig ay nadama ni Editha sa katauhan ni Ralph. Na-develop ang pag-ibig nila sa isa’t isa pagka’t sila’y magkaibigan at magkaopisina. Ngunit nang dumating sa buhay niya ang guwapong TV actor na si John Alberto, bakit naranasan pa rin ni Editha ang tinatawag na pag-ibig sa unang pagkikita?

Ang katulad ni Myra ay isang Cinderella na nangarap na mahalin ni Christian. Ang pangarap ay nangyari sa isang drama na kailangan nilang gampanan ng lalaki. Ngunit ang katotohanan ay may hatid na sakit dahil ang putik na pinagmulan niya ay labis na isinusuka ni Christian, at siya mismo ay pinandidirihan nito.

WALA sa sarili si Fifi habang naglalakad. Saan naman kaya siya pupunta? Ano kaya kung mag-imbestiga muna siya bago siya magpakalayu-layo? Baka tama ang hinala niya, malay niya. Baka nga may kinahuhumalingang babae ang kanyang ama kaya ganoon na lamang kung tratuhin siya nito gayong dati-rati naman ay siya ang buhay nito.

 Bunga ng pinag-isang tibok at pintig ng puso si Aurora Avilla, ang newcomer na naging best actress sa Film Festival. ...Pero may aninong gustong wasakin ang kanyang tagumpay dahil sa sumbat ng isang madilim na nakaraan. Kaya lang, nakialam ang tadhana. Tulad ng unang pakikialam, para si Aurora Avilla ay patuloy na mabuhay. Kasaysayan ng iba’t ibang mukha ng pag-ibig na iisa ang hatid na aral. Kung nasaan ang puso mo, naroon ang walang hanggang kaligayahan.

HALOS hindi pa rin makahinga si Romina sa tindi ng takot. Nalaman na lamang niyang nakakulong na siya sa mga bisig ni Jared at umiiyak sa dibdib nito. “Tahan na. Halika. Umalis na tayo sa lugar na ito.” Nang matiyak nito na nasa mga kamay na ng mga security guards ang mga lalaki ay inalalayan na siya nito palayo sa mga tao. “May dala ka bang kotse?” pagkuwa’y tanong nito. “Yes. Nasa parking.” “Okay, let’s use your car.” Naging sunud-sunuran siya rito. Awtomatikong iniabot niya rito ang susi ng kanyang sasakyan nang sapitin nila ang parking area.