Skip to main content

LATEST UPLOADS

Dec 2 2010 - 22:46

Itinakdang makasal sina Lyndon at Penny. Lingid sa kaalaman ng mga magulang, kapwa wala pang balak na mag-asawa ang dalawa. Parehong may mataas na ambisyon, higit sa lahat – walang pag-ibig na namamagitan. Gipit sa panahon, isang plano ang isinagawa ni Lyndon. Planong tumapos sa pagbibinata ng playboy na pinsan, si Macky Gregorio. Sa isang iglap ay ikakasal si Macky kay Penny Lee, ang former bride-to-be ni Lyndon. Si Penny ay ikinatuwa ang pangyayari dahil may palagay ang dalaga na kaya niyang mapawalang-bisa ang kasal niya kay Macky kaysa kung si Lyndon ang napapangasawa. Kaya?

Accidental Bride
Nov 30 2010 - 03:35

Dating tahimik ang buhay ni Cernon. Marami siyang pinagkakakitaan. May sarili siyang bahay at sasakyan. Maayos ang takbo ng mga negosyo niya. Sa tingin niya, he’s heading for the bigtime. Bukod doon. May nobya siyang naghihintay na lang kung kailan papayag na pakasal sila—si Meg.

Ngunit dumating sa subdibisyong iyon si Rora.

Prangka! Mapusok!

Hindi nahihiyang sabihing in-love ito sa kanya!

At natuklasan niya, hindi na tulad ng dati ang ikot ng kanyang mundo…

Aquarium
Nov 30 2010 - 03:41

Lahat ng magagandang katangian ay nakita ni Maya kay Earl. Isang bagay lamang ang pumipigil sa kanya upang mahalin ito. Malapit na siyang magtungo sa United States.

Ngunit gumawa si Earl ng isang marahas na hakbang.

Sumira iyon sa magandang pagtitinginan nilang mag-ina.

At kailangan niyang magdesisyon.

Kahit tama…

Kahit mali!

Popcorn
Nov 30 2010 - 03:48

Nag-inuman nang gabing iyon sina Dennis at Miguel. Selebrasyon dahil si Dennis ang pinili ni Leonor na pareho nilang minahal. Sabi ni Miguel, patunay lang iyon na sport siya sa naging desisyon ng dalaga.

Umaga na nagising si Dennis. Sa harap ng bahay nina Anna pala siya nakatulog. Hindi na niya matandaan ang nangyari.

Nagbuntis si Anna.

Si Dennis ang tinuturong ama!

Ang problema—abnormal si Anna!

Nahaharap si Dennis sa isang sitwasyon… Kung alam lang niya ang tunay na naganap nang gabing mag-inuman sila ni Miguel!

Cross Stitch
Nov 30 2010 - 04:02

Kalbaryo sa damdamin ang maging isang babae. Iyon ang paniwala ni Jona kaya pinanindigan niya ang pagkikilos-lalaki.

Niligawan siya ni Gary, ang SK Chairman na nanatiling bigo na mapagbago siya. Ewan kung dahil sa pagkadismaya, bumaling it okay Milette na nililigawan ni Jon.

Naging magnobyo sina Gary at Milette. Palaging magkasama. Sweet na sweet sa isa’t isa. Si Jona, matinding selos ang nararamdaman niya – hindi para kay Gary, kung hindi para kay… Milette.

 

Tirador
Nov 30 2010 - 04:05

 Sixteen lang si Carmi nang unang ma-in-love, na naging isang pagkakamali, sapagkat iniwan siyang buntis ng kanyang nobyo.

Isinumpa niyang ‘di na siya muling magmamahal. Ngunit nasira ang pangakong iyon sa sarili nang makilala niya si Arman eight years later. Niligawan siya nito. Sinagot niya.

Ang problema’y may pagkakonserbatibo si Arman. Ang pangarap nito’y makapangasawa ng isang virgin. At si Carmi ay hindi lamang hindi virgin. May anak pa siya sa pagkadalaga.
Nov 29 2010 - 22:09

Hindi nakakibo si Bob sa diretsahang pahayag ng ina ni Christmas.

“Ano ba’ng pakialam ko kung ang magiging manugang ko man ay halos kasing-edad ko na? Basta ba mahal ng anak ko. Ang hindi ko lang pahihintulutan ay ang mapariwara si Christmas. Now, Mr. Gardiola...kung gusto mong lumawig ang relasyon natin as my future son-in-law, tell me frankly. May asawa ka na ba o wala pa?”

Kahit ang manunuring titig lang ng babae ay hindi niya masalubong, ang tanong pa kaya nito ang masagot niya? Gaya rin ng katotohanang nagtanong siya sa kanyang puso ngunit wala namang tatanggap ng sa kanyang pusong itutugon.

Pag-ibig... Maaari Bang Magtanong?
Nov 17 2010 - 23:13

Makilala lang ni Sari ang misteryosong tagahanga niya na mahilig magpadala ng blue roses, goodbye na sa kanya ang preskong si Pocholo Arrespacochaga. Akala yata ng hudyo ay dead na dead siya sa charm nito! Hindi siya ang tipo na mina-manipulate ng kahit sino. Not even someone like Cholo. Nang biguin niya ang lalaki, naging malamig ang pakikitungo nito sa kanya. Meanwhile, naroon pa rin si Mr. Blue Rose, nananatiling misteryoso. Isang araw, kasama ang mga kaibigan ay sinundan niya ang delivery boy na palaging naghahatid sa kanya ng blue roses. At sa labis na pagtataka, bakit sa teritoryo ni Cholo nila na-corner ang pobreng delivery boy?

Akala Mo Mahal Kita
Nov 17 2010 - 23:54

Nang unang makita ni Kristine si Bien ay hindi siya kaagad makaisip ng tamang salita para i-describe ang lalaki. Napakaguwapo nito at napakasimpatiko ... na parang hindi nito magagawa na samantalahin ang kagipitan niya sa salapi.

Bien Madrid owned the El Grande Group of Companies. Siya ang gagamitin nitong instrumento upang makahanap ng sapat na ebidensya para mapatunayan na ginagamit ni Mr. Hon Chan ang kompanya ni Bien para sa pansarili nitong interes. “Mag-iingat ka, Kristin.” “Please, don’t tell me na mag-ingat ako. Hindi bagay sa iyo. You’re the type who doesn’t care for anyone.”

“Men would cease living if they stop caring,” narinig niyang sabi nito. Hindi niya malaman kung maniniwala siya rito, ngunit puso niya ang nagsasabi na paniwalaan ito. Dahil una pa man ay nakaramdam na siya ng kakaibang damdamin para kay Bien Madrid.

Dreams and Illusions
Oct 25 2010 - 01:44

Isang bank executive si Olivia na napaibig sa isang security guard lamang na si Alvin. Halos lahat ay naging tutol, kabilang ang kanyang mga magulang at kapatid, ngunit hindi siya napigilan ng mga ito na magpakasal sa lalaki.

Maligaya na sana siya sa piling ni Alvin kungdi nga lang ba ubod ito ng seloso at sinasaktan siya.

Hanggang sa siya ay mabuntis at magsilang nang wala sa panahon dahil hindi mapigilang pagseselos ng kabiyak. Dahil dito, siya ay tuluyan nang pinahiwalay ng mga magulang kay Alvin.

Sinunod ni Olivia ang utos ng kanyang mga magulang, ngunit ang puso niya ay tumututol. Sa Huli ay nagdesisyon siyang magbalik na kay Alvin. Ang problema, wala nang Alvin siyang babalikan.

Hindi Na Sana Ikaw Ang Minahal