Sa kagustuhang umunlad ang kanilang buhay, ipinagtulakan ni Eliza na mag-abroad ang asawang si Ted sa kabila ng pagtutol nito. Habang nasa abroad si Ted, siya naman ay nalulong sa barkada at bisyo. Ang masakit pa, namatay ang anak nitong si Patrick dahil sa kapabayaan niya. Gayon na lng ang pagkasuklam ni Ted sa kanya. Nang magbalik ito sa Pilipinas, sa isang babaing nagngangalang Elena Dacanay na ito umuwi. Na napag-alaman niyang siyang kapalit sa puso ng kabiyak. Paano ba niya ipaglalaban ang kanyang karapatan gayong ang pagkasuklam sa kanya ni Ted ay suko hanggang langit?

Marahas at malupit ang naging kamatayan ng nobyo ni Emily. Inihanap niya iyon ng katarungan. Ito ang mismong naglapit kay Arthur, isang abogadong tulad ng dalaga ay dumanas ng mapait na pagkawala ng mga mahal sa buhay. Ang hindi nila kapwa inakala, sa paghahanap ng hustisya’y ang isa’t isa ang kanilang natagpuan. Ngunit may malaking sagabal sapagkat sariling kunsensiya ang kalaban ni Emily.

Katuwaan lang, nagpasuri si Henry sa kaibigang doktor bago nagpakasal kay Anita. Ang resulta ng pagsusuri: Hindi siya maaaring magkaanak. Hindi siya magiging ama kailanman. Inilihim niya iyon kay Anita. Natuloy ang kasal at nagsimula silang mamuhay nang maligaya. Noon sumambulat ang bomba. Nagdalantao si Anita.

Sa Hongkong nagkakilala sina TJ at Stella. Sa Hongkong sila nagkaibigan. At sa Hongkong sila pakakasal. Ngunit sa araw ng kanilang kasal, habang naghihintay si Stella sa simbahan ay nagtungo si TJ sa airport at sumakay ng eroplano pauwi sa Pilipinas. Paano tatanggapin ni Stella na wala na ang lalaking pinagsanglaan niya ng lahat-lahat sa kanya at sa ama ng dinadala niya sa sinapupunan?

Nagmahal nang labis si Oliva. Nag-asawa. At nangangarap ng para sa kanilang kinabukasan kaya pumayag siyang mangibang-bansa ang kanyang asawang si Miko. Ngunit si Miko ay pinag-aagawan ng ibang babae at ni KAMATAYAN. Sa katayuan ni Oliva, na malayo sa asawa, paano niya ipaglalaban ang kanyang karapatan? Paano niya tutulungan ang kabiyak?

It all started nang tamaan ni Laila ng bola ang nagdaraang si Melvin. Dahil nakasuot lalaki ay napatulan siya nito. Akalain ba naman ni Laila na makakaharap niyang muli ang kinaiinisang lalaki sa pangalawang pagkakataon, in a party, kung saan feminine na feminine naman ang dating niya. At mukhang attracted pa yata sa kanya si Melvin.

Si Lino, si Rene, si Albert. Lahat sila ay umiibig kay Mariel. Ang una ay mapagtiis. Ang ikalawa ay mapusok. Ang ikatlo ay matiyaga. Sino sa kanila ang magiging mapalad sa pag-ibig ng dalaga?

Napaibig si Vanesa kay Ariel na anak ng isang tauhan nila sa asyenda. Iniibig din ni Ariel ang dalaga kahit batid nito ang malaking agwat ng kanilang katayuan sa lahat ng bagay. Ngunit may kaagaw si Vanesa. Ang pinsan nitong si Lucil. Nagawa nitong palabasin na kayamanan lamang ni Vanesa ang hangad ng lalaki. Bagama’t nasaktan, nakipaglaro si Vanesa kay Ariel. Pagkatapos ay dinusta nito ang binata, na kayamanan lamang pala ang hangad sa kanya. Huli na nang malaman niya ang buong katotohanan. Wala na si Ariel na labis na nasaktan. May kaligayahan pa kayang naghihintay sa kanila?

Ordinaryo lamang ang kuwento ng pag-ibig ni Cindy. Minahal niya si Arvin at minahal din siya. Nagtiwala siya rito nang lubos. Unang pagkakasala ni Arvin, dinala siya nito sa motel. Hindi siya pumayag. Ikalawang pagkakamali: May dating nobya si Arvin, ang tisay na si Trixie at buntis ito. Pagkakasala ni Arvin na walang kapatawaran. Ayaw na niya kay Arvin. Ayaw na rin niyang umibig pa. Wala nang isa pang chance para magkabalikan sila. Pero naaksidente si Arvin. Agaw-buhay. Hinihingi nito ang kanyang patawad. Ano ang ipapasya ni Cindy?

Tinanong ni Sam ang sarili, sa edad niyang beinte sais, awa o pagnanasa lang kaya ang nadarama niya sa disisais anyos na dalagitang si Dorcas. Inabandona ng amang Kano, pinagtangkaang halayin sa tuwina ng lalakeng kauli ng kanyang ina, walang ibang kinakitaan ng pagmamahal ang dalagita maliban sa tiyahing kumukupkop sa kanya. At kay Sam... Sa bingit na kapahamakan, nalaman ni Sam ang sagot sa kanyang katanungan. Mahal siya ng dalagita. At handa siyang magsakripisyo sa maraming bagay, tulad din nito, maipagpapatuloy lamang ang kanilang paghahati sa pagmamahalan.