Nagkaroon ng mutual relationship sina Marvel at Roldan mula high school until second year college. Then suddenly ay bigla na lang nawala si Roldan. Nasaktan si Marvel.
Muling nagmahal si Marvel after three years. The guy is Ode. In her heart, alam niyang si Ode ang gusto niyang makasama until she grows old. Naging mag-on sila. Pero natuklasan niya ang masakit na katotohanan. May asawa’t mga anak na pala si Ode.
Dalawang kabiguan ang naranasan kaya ayaw na niyang magmahal maliban na lamang kung makatagpo siya ng lalaking gagawin ang lahat, sa ngalan ng pag-ibig, para mapaligaya siya. Pero may ganito pa bang lalaki? Hindi sigurado si Marvel. Handa na siyang maging old maid.

Mahal na mahal ni Jimbo si Meryll, anak ng mag-asawang milyonaryo. Kaya niyaya na niya itong sumama sa kaya. Handa na si Meryll na talikuran ang lahat para kay Jimbo. Isang Linggo bago sila tumakas ay nakilala ni Jimbo si Rica. Dahil dito’y tinalikuran niya si Meryll. Hindi basta patatalo si Meryll lalo’t mayaman siya. Gagantihan niya ang dalawang sumugat sa kanyang puso at kaluluwa.

Masakit ang naging unang karanasan ni Odessa sa pag-ibig. Binigo siya’t ipinagpalit sa iba ng nobyong si Norman. Nakabawi lamang siya ng makilala at ibigin si Mac. Pero sa malas ay hindi siya basta-basta papayagan ni Norman na mawala sa buhay nito. Paano ba niya ipauunawa sa lalaki na gusto na niyang itiklop ang lahat ng tungkol sa kanilang nakaraan?

Inabandona ni Edgar ang kanyang mag-iina. Nagsikap si Angela na punan ang tungkuling ina at ama sa dalawang anak. Pero dumating ang panahong kailangan niya ang init ng pag-ibig. Noon dumating sa kanya si Jim. Nangako ng bagong ligaya. Para muli siyang biguin nang pakasal ito sa iba. Kasabay noon ay nagbalik si Edgar. May kapansanan pero nagsisisi. Tanggapin pa kaya siya ni Angela?

Sugatan si Gil nang matagpuan ng nanay ni Nelia sa likod-bahay nila. Inakala tuloy ng dalaga na ang lalaki’y takas na bilanggo, magnanakaw o nagbebenta ng mga bawal na gamot . At tahasan niyang ipinamukha iyon kay Gil. Ngunit natuklasan niyang taliwas sa lahat ng inaakala niya ang tunay na pagkatao ng lalaki. Paano pa siyang makakaharap sa lalaking sa kabila ng malaking naitulong sa kanyang pamilya’y inakala pa rin niyang masama? Mahalin pa rin kaya siya ni Gil sa kabila ng lahat?

Napilitang bumalik si Samantha Gutierrez sa Maynila upang harapin ang problema sa kanilang negosyo. Subalit hindi niya akalaing ang makakaharap niya ay ang dati niyang pag-ibig, si Alex Gomez. At dahil sa tinanggihan niya itong pakasalan noon, ngayo’y muling bumalik si Alex sa buhay niya upang maghiganti. Para maisalba ang naluluging negosyo ng pamilya, kinailangang pakasalan ni Samantha ang dating nobyo.

 Sa pag-ibig ay isinilang ang lahat ng pantay-pantay. Lahat ay may karapatang magmahal at mahalin maliban kung ang mamahalin ay hindi na malaya. Ito’y kasalanan sa langit at sa batas ng tao. Ganyan ang nangyari kay Madel. Umibig siya nang mataos kay Ed na kasal na kay Lizbeth. Hindi siya papayag na mawala sa kanya ang lalaki kahit ano ang mangyari. Tunghayan ang pakikipaglaban ni Madel para sa kanyang pag-ibig.

Makipagtitigan ka kina Lander at Beng upang malaman mo kung totoo ang sinasabi ng kanilang mga labi. Ano ang idudulot ng mga labing iyon kay Morita, asawa ni Lander, at kay Nicky, kasintahan ni Beng?