LATEST UPLOADS

Dati’y tindera lang ng tinapay at diyaryo si Talisa. Gayunman ay kasapi siya sa church choir pagkat biniyayaan siya ng pambihirang soprano voice. Nadiskubre siya ng biyudo at guwapong kompositor na si Ricardo. Isinama ni Ricardo si Talisa sa isa nitong pakonsiyerto. Doo’y napanood si Talisa ng isang European concert producer at kinuha siyang guest performer sa isang concert na ginanap sa Italy. Tanging si Ricardo ang nakasama ng 17-taong gulang na soprano sa Italy. Doon ganap na “namulat” sa kanyang pagiging babae si Talisa...

Muling nanumbalik sa kanyang alaala ang nakitang larawan sa klinika ni Gideon. Sa halip na mahiga para sa kanyang siesta ay naupo siya sa silyon sa tabi ng bintanang capiz. Itinutok niya ang mga mata lampas sa malalabay na punong-manggang nakatanim sa gilid ng nagkiwal na ilog. Tumuloy iyon at humangga sa tuktok ng hindi kataasan at nakakalbo nang bundok. Tila naaaninaw niya roon ang pangyayari labing-pitong taon na ang nakararaan...

FIRST time humanga ni Ever sa opposite sex sa katauhan ni Clarita, ang dalagitang mala-Miley Cyrus ang porma at ganda na nanirahan sa kanilang baryo kung saan nagtayo ang pamilya nito ng isang farm. Right there and then ay ramdam kaagad niya ang atraksyon sa pagitan nilang dalawa—sa kabila ng kanilang age gap. Sa gitna nang pangangarap ni Ever na sana ay maging sila ni Clarita ay naramdaman niyang may crush din dito ang pinsan niyang si Jomari na sobrang close niya. Ang ikinakakatakot niya, guwapo ang kanyang pinsan na mala-Jake Cuenca, bukod pa sa magkasing-edad ang dalawa ni Clarita. Selos ang nararamdaman niya kapag nakikitang nag-uusap ang dalawa. Hanggang may natuklasang maraming lihim si Ever. Kay Jomari... At maging sa pamilya ni Clarita! Itatago ba niya ang mga lihim na iyon?

High school pa lamang siya ay nagdormitoryo na si Cathy. Ayaw niyang sa Bulacan mag-aral, taliwas sa kanyang kapatid na laging nakadikit sa mama nila. Maging ang mamuhay na may kasa¬mang ibang tao ay nakakapanibago sa kanya. Matagal na rin siyang naninirahan sa kanyang condo unit nang nag-iisa.

Magkababata sina Gary at Krissy. Magkasundung-magkasundo sila. Laging magkasama. Hindi nagkakagalit. Kaya marami ang naniniwalang “sila” na pagdating ng panahon. Pero nagbiro ang pagkakataon. Nag-abroad si Krissy. Pagbalik niya galing USA ay mag-on na sina Gary at ang nakababatang kapatid ni Krissy, si Edna. At planado na ang kasal. Lumayo si Krissy para makalimot. At sa malayong bayan ay muli siyang nagmahal. Kay Noel. Akala niya ay liligaya rin siya. Kaya lang, paano mangyayari iyon, may asawa’t dalawang anak si Noel. Ikalawang sakit. Ikalawang pagkabigo ng puso ni Krissy.

NILALARO ni Nick ng tinidor ang spaghetti sa plato niya. Kanina pa siya nabo-bore sa takbo ng usapan sa kanilang mesa. Nakuha ng babaeng papasok sa restaurant ang atensyon niya. One of the prettiest faces he had ever seen—magandang mukha na nilangkapan pa ng magandang hubog ng katawan. Kung wala lang siguro siya sa mesang iyon kasama ang mga senior engineers ay napasipol na siya. Dahil nakaharap siya sa mesang inokupa ng babae’y nakita niya ang pagngiti nito sa mga babaeng naroon. Mga kaibigan siguro, naisip niya.

Tungkulin nina Ariel at Anabelle na mahalin ang isa’t isa para matupad ang nabigong pangarap ng kanilang ama’t ina. Paano kaya sila liligaya sa pag-ibig na ipinilit lang sa kanila?

NAPANGITI si Penelope tulad ng araw-araw na nangyayari sa tuwing daratnan niya ang magulang sa kanilang sala. As usual, nagbabasa ng diyaryo ang kanyang papa habang naka-de-kuwatro sa sofa, habang ang mama naman niya ay nakahilig sa dibdib nito na nakikibasa rin ng diyaryo. Nilalaro ng papa niya ang buhok ng kanyang mama habang ito naman ay seryoso lamang sa pagbabasa. Bakas sa mga ito na hindi kumukupas ang pagmamahal ng mga ito sa isa’t isa. Kahit na nga nadagdagan na ng halos isang daan libras ang timbang ng kanyang mama magmula nang pakasalan nito ang papa niya. Samantalang ang papa naman niya ay naubos na ang buhok sa tuktok at namumutok na rin ang butones sa polo sa laki ng tiyan.