LATEST UPLOADS

NGAWIT na ngawit na si Beatrice at pakiramdam niya ay may gumagapang sa likod niya. Pasimple siyang sumulyap sa wall clock. Sampung minuto pa siya sa ganoong posisyon—reclining on a velvet couch, maintaining that far-away look on her face. Ang isang hita niya ay bahagyang nakaliko, habang ang isang binti ay nakatuwid. Her one arm was wrapped around her waist, the other pinned beneath her head. She was naked.

Umpisa pa lang, alam na ni Jessica na may itinatagong lihim si Troy. Isang madilim na lihim. Ngunit nang magtapat ito ng pag-ibig sa kanya, natuklasan niyang katulad din lang siya ng ibang babae. Bulag at bingi sa pagsunod sa tibok ng puso. Ang tanging pinanghahawakan niya, ang pangako ni Troy. Magbabago raw ito. Para sa kanya. Para sa kanilang relasyon. Minsan-minsan lang siya nakinig sa walkman na bigay nito sa kanya. Sa babaing espesyal sa akin, sabi nga nito. At ang musikang narinig niya, tumutumbok pa sa kanilang sitwasyon. Hanggang sa maganap ang isang trahedya.

Napaibig si Vanesa kay Ariel na anak ng isang tauhan nila sa asyenda. Iniibig din ni Ariel ang dalaga kahit batid nito ang malaking agwat ng kanilang katayuan sa lahat ng bagay. Ngunit may kaagaw si Vanesa. Ang pinsan nitong si Lucil. Nagawa nitong palabasin na kayamanan lamang ni Vanesa ang hangad ng lalaki. Bagama’t nasaktan, nakipaglaro si Vanesa kay Ariel. Pagkatapos ay dinusta nito ang binata, na kayamanan lamang pala ang hangad sa kanya. Huli na nang malaman niya ang buong katotohanan. Wala na si Ariel na labis na nasaktan. May kaligayahan pa kayang naghihintay sa kanila?

Nagpakasal si Armina kay Howard, isang Canadian, sa kasunduang pagkatapos ng isang taon, kapag bumaba na ang papel ng dalaga bilang residente ng bansa ay didiborsiyohin na niya ito. Hindi si Howard ang kausap ni Armin kundi ang pinsang si Marie na nobya ng lalaki. Ngunit sa kasunduang “hiram lang” ng magpinsan ay mayroon silang nakalimutang isaalang-alang. Ang ‘marriage for convenience’ ang last resort ni Armin. Hindi lang siya ang filipinang pumasok sa ganoong kasunduan manatili lamang sa banasang pinuntahan. Ang kaibahan nga lamang, hindi ang lalaking pakakasalan ang kausap ni Armin kundi ang pinsang si Marie. Nobyo ni Marie ang nakatakdang pakasalan ni Armin sa kasunduang ‘hiram lang’.

Nude model si Madonna – modernang-moderna. Group leader si Ernest sa isang relihiyosong kongregasyon – konserbatibo. Never na ituring niyang art, kuno ang paghuhubad ng isang babae para lamang kumita ng pera. Ngunit umibig sa isa’t isa ang dalawa sa kabila ng magkabaligtad nilang mga personalidad. At napasubo sila sa matitinding pagsubok na pareho lamang naman nilang hindi kinaya. Paano na sila? Forgive and forget na lang?

ISANG maaliwalas na mukha ng babae ang bumati kay Toni. Sa tantiya niya’y lampas singkuwenta na ang edad nito. “Ano ‘yon, Ineng?” “Ako ho si Mary Antoinette Pilapil,” agad na pakilala niya. “Freelance photographer ho ako mula sa Maynila at naghahanap ng pansamantalang matitirahan dito sa Taal. Ito hong bahay ninyo ang itinuro sa akin ng anak ng barangay captain. Ang sabi ho’y madalas kayong walang kasama dito sa bahay, so...”

Kay-tagal naghintay ni Cleofe na mapansin ni Odilon. Nasa haiskul pa lamang sila’y may lihim na siyang pagtingin sa binata. Problem is…sa kababata nilang si Mariz ito nanligaw. Naging magkasintahan sina Mariz at Odilon. Nagsalo sa relasyon sa loob ng anim na taon. Ngunit naging marupok si Mariz. Nagawa pa rin nitong ipagpalit sa iba ang nobyo nang ligawan ito ng isang super-guwapong Manila boy. Bumaling si Odilon kay Cleofe. Matatanggap ba ni Cleofe na siya’y panakip-butas lang?

“KAILANGANG ipagtapat na natin sa iyong daddy na—” “Huwag!” mabilis at may halong pagmamakaawang naibulalas ng labinlimang taong gulang na si Vayana. Inakbayan siya ni Anton. “Kitty, wala na tayong magagawa. Nandiyan na iyan, e.” Nahihintakutan ang mukhang sunud-sunod ang ginawa niyang pag-iling. “Anton, ang bata-bata ko pa. Hindi pa ako handa.”