LATEST UPLOADS

Laging bahagi ng mga panaginip ni Laura si Edgardo Dineros at di bale nang nahuhumaling ito kay Carlota, ang kanyang malupit na stepsister. Nang hindi nito sinipot si Edgardo sa kanilang balak na pagtatanan, siya ang sinugo ng stepmother niya para sabihan ang binata. May pinupuntirya kasi ang mag-ina na mas matabang isda kaysa kay Edgardo. Nanganga-ligkig sa ginaw sa manipis na kasuotan at ni walang sapin sa paa, tinahak ni Laura ang dilim. Tila dinarang ng apoy ang kanyang balat nang salubungin siya ng yakap at sabik na halik ng binata para mapalitan lamang iyon ng poot at galit nang makilala siya nito. Para siyang hihimatayin sa takot…

“I am a real woman. You make me feel like one.”

Alam ni Veron na dapat siyang pumayag sa proposal ni Dan na magkunwari silang mag=fiancé. Kailangan kasi nito ng babaeng maipapakilalang kasintahan para makuha ang custody ng batang sa tingin ni Veron ay anak nito. Siya rin naman ay kailangang may maiharap na fiancé sa abogado ng kanyang paborito pero weird na lolo para makuha niya ang iniwang pamana ng matanda. Dapat sana ay matuwa siya dahil kusa nang lumapit ang kasagutan sa kanyang mga panalangin. Ang kaso, hindi kaya isinasabak lamang niya ang sarili sa pihong kabiguan, lalo na’t obvious na naghahabol pa rin ang ina ng anak ni Dan?

PAKIRAMDAM ni Primrose ay nagkulay-mansanas ang kanyang mukha  nang makita niya si Paolo. Salubong ang mga kilay nito habang nakatitig ito sa kanya. Parang anumang sandali ay sasakmalin siya nito.

Pangako ni Micaella sa sarili na magpapakasal lang siya sa lalaking iniibig niya at umiibig din sa kanya. Kaya malaking dagok sa kanya ang nasa huling testament ng yumaong ama na ipinagkasundo siyang ipakasal sa isang Jose Armando Gonzales. Ang masaklap pa, kilalang playboy ang binata na kaliwa’t kanan ang mga nobya sa Maynila. Para masiguro ang karakter ng lalaking makakasama sa habambuhay, hiningi niya ang tulong ni Teresita. Isa itong babae na kapalit ng tamang halaga ay nagbibigay ng aliw sa mga lalaki. Tuturuan siya nito at sa ganoong paraan niya susubukan ang tunay na pagkatao ni Jose Armando…

“Believe me, kahit nasa ‘yo na ang lahat ng kapintasan, lahat ng physical defects, kahit ikaw na ang pinaka – unromantic at pinaka-mahirap na lalaki sa buong mundo, I’d still find you perfect. I will still be in love with you.”

Ginawa ni Cathy ang lahat para umiwas sa attraction ng kanyang bagong boss na si Matthew. Baliw nga siguro siya dahil walang babaeng tatanggi sa tulad nitong guwapo, mayaman at maginoo. Ngunit nang minsang kabigin siya ng yakap ni Matthew at maglapat ang kanilang mga labi ay natiyak niyang mahal niya ang binata. Pero espiya siya sa opisina nito at ang tangi niyang pakay at pagnakawan ito ng impormasyon. At gustuhin man niya, paano siya magkukumpisal ngayong nalaman niyang walang mas mahalaga para rito kundi ang katapatan… Naramdaman niyang lalong humigpit ang animo’y taling nakapulupot sa kanyang leeg sa tinuran nito.

Lupaypay na si Tacy nang marating niya ang kuwarto nito sa itaas. Maingat niya itong ibinaba sa kama. Gusto niyang umalis na kaagad pagkatapos niyon ngunit hindi pa rin niya napigilan ang sarili. Naupo siya sa gilid ng kama at maingat na pinagapang ang isang kamay sa pisngi nito. This woman, his friend, radiated a natural beauty, a woman who knew she was attractive but didn’t spend all day thinking about it. Malaki ang respeto niya sa babaeng ito. “Kalimutan mo na si Eric, Tacy,” bulong niya. “Panahon na para tanggapin mo ang katotohanang hindi kayo para sa isa’t isa.” Maagap niyang inilayo ang kamay sa mukha nito nang marinig niya ang mga yabag ng mama nito.